Real Madrid yaciwe miliyoni 180 kuri rutahizamu wa Liverpool

Nyuma yo kubona ko ibya Neymar Jr na Kylian Mbappe bigoye kurushaho, ikipe ya Real Madrid yasubiye ku mugambi wo kugereka rutahizamu wa Liverpool Sadio Mane byanatumye aba Bongereza bavuga ko kurekura uyu munya-Senegal bisaba miliyoni 180 z’amayero.

Umutoza wa Real Madrid Zinedine Zidane ntiyahwemye kugaragaza ko ari umufana ukomeye wa Sadio Mane. Ubwo Zidane yagarukaga mu ikipe ya Real Madrid byavugwaga ko ashobora gushyira imbaraga mu kuzana uyu musore I Madrid ariko ikipe ya Liverpool ivuga ko batiteguye kumurekura.

Nyuma y’imvune nyinshi zugarije iyi kipe y’I Madrid muri iyi minsi, biravugwa ko bagomba kongeramo amaraso mashya by’umwihariko Don Balon bo bananditse ko Perez yahagurukiye ikibazo cya Sadio mane.

Iki gitangazamakuru cyakomeje kivuga ko ikipe ya Liverpool yamaze kuvuga ko niba I Madrid bifuza Mane bagomba gutanga akayabo ka miliyoni 180 z’ammayero.

Mane w’imyaka 27 yageze muri Liverpool mu mwaka wa 2016 avuye muri Southampton kuri miliyoni  41.2 . kuva ubwo, amaze gutsindira iyi kipe ibitego 67 n’imipira 24 ivamo ibitego mu mikino 134.

Ku yandi makuru, dukurikire ku mbuga nkoranyambaga zacu: Facebook na You Tube ni Isi ya Muzika, Twitter na Instagram ni ISI Updates.

Waba ufite igitekerezo, inkuru cyangwa ikibazo ushaka gusangiza umuryango  wa isi.rw, twandikire kuri email yacu yitwa isi.rwonline@gmail.com cyangwa kuri watsaap yacu +250785383202

Leave a Reply

Your email address will not be published. Required fields are marked *