Abafana ba Chelsea hirya no hino ku Isi bahurije ku wo babona nk’umusimbura wa Hazard: Ese na we niko ubibona?

Nk’uko byagarutsweho ku rubuga rwitwa Footballfancast, abafaba ba Chelsea FC hirya no hino ku Isi bahurira ku kubona ko umusore w’imyaka 19 Jadon Sancho ari we waza kubasimburrira Eden Hazard.

Iby’iyi nkuru byakajije umurego nyuma y’uko uyu musore w’Umwongereza yatanze umupira wa 13 uvamo igitego muri Bundes Liga muri weekend ishize ubwo ikipe ye ya Borussia Dortmund yatsindwaga 4-3.

Muri rusange, uyu musore amaze gutanga imipira 15 ivamo ibitego hamwe n’ibitego 15 mu marushanwa yose muri uyu mwaka w’imikino. Muri Bundes Liga honyine, Soncho amaze gutsinda ibitego 12 n’imipira 13 ivamo ibitego.

Uyu ni umwaka w’imikino wa kabiri wikurikiranya uyu musore ahagaze neza kuko no mu mwaka ushize  wa 2018/2019 uyu Mwongereza umaze guhamagarwa inshuro 11 yari yatsinze ibitego 12 n’imipira 14 ivamo ibitego.

Chelsea FC ni umwe mu makipe menshi yifuza uyu mwongereza w’imyaka 19. Gusa nk’uko Sky sport ibitangaza, ngo aba banyabururu bafite amahirwe menshi kubera impamvu zitandukanye.

Amakuru aheruka, avuga ko ikipe ya Borussia Dortmund yifuza miliyoni 127 z’Amayero kuri uyu musore wahoze mu ikipe ya Manchester City.

Kuri urwo rubuga rwa Footballfancast abafana ba ruhago basanzwe bahuriraho bakaganira ku ngingo zitandukanye, abakunzi ba Chelsea bahurije ku kuba uyu musore ariwe wabasimburira Hazard wagiye muri Real Madrid ndetse bamwe banavuga ko Chelsea ikwiye gutanga ako kayabo ariko bakabona iyi mpano.

Ese nawe ni ko ubibona?

Ku yandi makuru, dukurikire ku mbuga nkoranyambaga zacu: Facebook na You Tube ni ISI Online TV, Twitter na Instagram ni ISI Updates.

Waba ufite igitekerezo, inkuru cyangwa ikibazo ushaka gusangiza umuryango  wa isi.rw, twandikire kuri email yacu yitwa isi.rwonline@gmail.com cyangwa kuri watsaap yacu +250785383202.

Leave a Reply

Your email address will not be published. Required fields are marked *